" ကိုယ့်ကိုကိုယ် ဘယ်လောက်အထိ တိုးရသင့်ပြီလို့ ထင်ပါသလဲ တဲ့"
ဒီစကားတစ်ခွန်းဟာ အတွေးတွေများစွာ ရခဲ့တယ်၊ ဘ၀အတွက်လည်း မှတ်သားစရာ တစ်ခု ဖြစ်ခဲ့ပါတယ်။
ကျွန်မတို့ အလုပ်လျှောက်ကြတယ် ဒီလိုနဲ့ လုပ်ငန်းတွေဘက်က သတ်မှတ်ပေးတဲ့ လစာဝင်ငွေတွေကိုပဲ ရကြရတယ်။ ဒါကတော့ ပညာသင်ရမယ့်အနေအထား အလုပ်သင် ပေါက်စလေးတွေ ဘ၀မှာတော့ ငြင်းဆန်လို့ မရပေမယ့်။ မိမိကိုယ်တိုင် နေရာအနေအထား တစ်ခု ရောက်လာတဲ့ အခါမှာတော့ မိမိရသင့်တဲ့ လုပ်ခလစာကို မိမိကိုယ်တိုင်ကသာ သတ်မှတ်ခွင့်ရရှိရမှာ ဖြစ်ပါတယ်။
မိမိရောက်နေတဲ့ နေရာ မိမိယူရမယ့်တာဝန် စတာတွေနဲ့ ယှဉ်ပြီး မိမိအတွက် ထိုက်သင့်တဲ့ အဖိုးအခကို ရခွင့် ရှိရပါမယ်။ ဒီလိုမျိုး သတ်မှတ်ခွင့် ရနိုင်အောင်လည်း မိမိကိုယ်တိုင်က တန်တဲ့ Service တစ်ခု ပြန်ပေးနိုင်အောင် ကြိုးစားထားဖို့ လိုပါတယ်။
မိမိကိုယ်ကို ရောင်းကုန်တစ်ခုလို စဉ်းစားကြည့်ကြရအောင်။ ၀ယ်ယူသူ တွေအနေနဲ့ အများနဲ့တူနေတဲ့ အရာတွေအတွက် ထူးထူးခြားခြား ဘယ်သူမှ ပေးပြီး ၀ယ်ချင်ကြမှ မဟုတ်ပါဘူး။ မိမိထုတ်ကုန် တစ်ခု ၀န်ဆောင်မှု တစ်ခု ကို တန်ရာတန်ကြေးနဲ့ မြင်သူတစ်ကာ လိုချင်ဖို့ဆိုရင်တော့ ၀ယ်ယူသူကို ဆွဲဆောင်နိုင်ဖို့ အများနဲ့မတူတဲ့ အရည်အချင်းတွေပြသနိုင်ဖို့တော့ လိုပါလိမ့်မယ်။
နောက်တစ်ခုကတော့ မိမိတန်ဖိုးကို အသုံးဝင်မယ့်၊ အသုံးပြုတတ်မယ့်၊ တန်ဖိုးထားတတ်မယ့် အလုပ်ခွင်ကို ရှာဖွေနိုင်ဖို့လည်း လိုအပ်ပါတယ်။
မိမိရဲ့တန်ဖိုးဆိုတာ မိမိရဲ့ ၀န်ဆောင်မှု အထူးသဖြင့် မိမိအရည်အချင်းနဲ့ မိမိပေးရမယ့် အချိန်၊ မိမိ စိုက်ထုတ်ရမယ့် စွမ်းအင်တွေကို ကိုယ်စားပြုထားတာဖြစ်လို့ မိမိတန်ဖိုးကို မိမိသတ်မှတ်နိုင်အောင် ကြိုးစားကြပါလို့ တိုက်တွန်း လိုက်ပါတယ်။
Your Lovely Emily
No comments:
Post a Comment