တစ်သက်လုံး အသက်မွေးဝမ်းကျောင်းပြုမယ့် အလုပ်ကို ဘယ်လိုရွေးချယ်ကြမလဲ?

ဒီနေရာမှာ ပြောချင်တာကတော့ တစ်သက်တာအတွက် အသက်မွေးဝမ်းကျောင်းပြုမယ့်အလုပ်ကို ရွေးချယ်ကြတဲ့ နေရာမှာ မှားယွင်းနေတာလေးတွေ ရှိနေပါတယ်။ မိမိလျှောက်မယ့်လမ်းကြောင်းကို ရွေးချယ်တဲ့ နေရာမှာ မိမိကိုယ်ကို မလေ့လာဖြစ်ကြဘဲနဲ့ ပတ်ဝန်းကျင်က လူတွေ ဘာတွေလုပ်နေကြသလဲ ဘယ်လိုအလုပ်မျိုးက ပိုမိုတွက်ခြေကိုက်မလဲ ဆိုတာအပေါ် မူတည်ပြီး ရွေးချယ်လာကြတာကို တွေ့နေရပါတယ်။ ဒီနည်းလမ်းက မိမိအတွက် မိမိကိုယ်ကို ပိတ်လှောင်သလို ရွေးချယ်မှုမျိုးကို လုပ်မိတာ အချိန်တွေကုန်သွားမှ နောင်တရနေတာမျိုးတွေ ဖြစ်နိုင်လို့ပါ။

မိမိအတွက် ၀ါသနာပါနေတဲ့ အသက်မွေးဝမ်းကျောင်း အလုပ်၊ မိမိအတွက် ပျော်ရွှင်စရာကောင်းနေတဲ့ အလုပ်ကသာ မိမိကိုယ်ကိုယ်ကော၊ မိမိပတ်ဝန်းကျင်ကိုပါ တိုးတက်ပြောင်းလဲစေမှာပါ။ ဒီတော့ မိမိကိုယ်ကို ဘာဝါသနာပါလဲ မရေရာဘဲ မိမိဘာလုပ်သင့်လဲ မသိသေးသူတွေအတွက် အောက်ပါ အချက်လေးတွေကို စမ်းစစ်ကြည့်ကြရအောင်...

၁။ ကိုယ်ဘယ်အလုပ်လုပ်ရရင် ပျော်သလဲ (သို့ ) ဘယ်လို အလုပ်မျိုး လုပ်ရင် ထူးချွန်လာမှာလဲ ဆိုတာကို ရှာဖွေရပါမယ်။

အသက်ငယ်ရွယ်ချိန်မှာ သေချာမသိသေးတာမျိုးလည်းဖြစ်နိုင်တာကြောင့်
လုပ်အားပေးပုံစံခွင့်ပြုမယ့် လုပ်ငန်းရှင် တွေထံချဉ်းကပ်သင့်ပါတယ်။

အစမ်းလုပ်ကြည့်တဲ့အခါ ကိုယ်စိတ်ကူးထားတဲ့အလုပ်နဲ့ ကိုက်ညီမှုရှိမရှိ သတိပြုမိပါလိမ့်မယ်….

၂။ ဘယ်လိုရှာဖွေရမလဲ?

စာတွေအများကြီးဖတ်ပြီး ရှာဖွေဖို့ လိုပါတယ်။ အချက်အလက်တွေစုဆောင်းရမယ်။
ကိုယ်ကလည်း ပျော်မယ်၊ ကိုယ့်အနေနဲ့ လုပ်ရတာ အဆင်ပြေမယ်ဆိုရင်တော့ တသက်လုံးလုပ်သွားဖို့မခက်တော့ပါဘူး။ အဲ့သလို အလုပ်ကို မတွေ့မချင်း ရှာဖွေမှုကို မရပ်တန့် ပါနဲ့ ။
တဖြည်းဖြည်းနဲ့ ကိုယ်နဲ့ ကိုက်ညီမယ့်အလုပ်ကို ရှာရတာ ဘောင်ကျဉ်းသွားပါလိမ့်မယ်။
အလုပ်တစ်ခုကို လုပ်ရတာ ပျော်တယ်၊ ကိုယ်လုပ်ရတာလည်း အံ့ဝင်ဂွင်ကျဖြစ်မယ်ဆိုရင်တော့
World class. ကမ္ဘာ့ပထမတန်းစားအဆင့်ထိ ရောက်ဖို့
လွယ်ကူသွားပါလိမ့်မယ်။


၃။ ငွေကို အခြေပြုမစဉ်းစားပါနဲ့ ။ တိုးတက်ဖွံ့ဖြိုးမှုကိုရှေးရှုပါ။

ကျွန်မတို့ အလွဲကြီးလွဲတတ်တဲ့ အလွဲတစ်ခုကတော့ ငွေကို ဗဟိုပြုစဉ်းစားတာမျိုးပါ...
ဒါဟာလည်း မထူးဆန်းပါဘူး… လူ့ အသိုင်းအ၀ိုင်းရဲ့ဖိအားပေးခံရတယ်၊
ဆွေမျိုးတသိုက်က ၀င်ရောက်ခြယ်လှယ်တာတွေရယ်၊အများအကြိုက်နောက်လိုက်ရတာတွေရယ်၊ သူတပါးနဲ့ မတူဘဲ ကွဲပြားနေတာကိုစိုးရိမ်နေရတာရယ် အမျိုးမျိုးဖြစ်နိုင်ပါတယ်...

အဲ့ဒါကြောင့် ငွေနဲ့ အများအကြိုက်နောက်ကို မလိုက်ပါနဲ့ ။
ကိုယ့်နှလုံးသားကလာတဲ့ ဖြစ်ချင်တဲ့အလုပ်ကိုသာ ရှာပါ။ နေ့စဉ် တိုးတက်အောင်လုပ်သွားပါ။ ငွေနဲ့အောင်မြင်မှုတွေက နောက်ကလိုက်လာပါလိမ့်မယ်။

၎။ ကိုယ့်အကြောင်းကို အသေးစိပ်သိအောင်လုပ်ပါ။

ကိုယ့်အကြောင်းကိုယ် သေချာသိနေရင် ဘယ်အရာတွေကိုလက်ခံရမလည်း ဘယ်အရာတွေ ငြင်းဆန်ရမလည်း အမြင်ရှင်းသွားပါလိမ့်မယ်။
ကိုယ်ဟာ စိတ်အပြောင်းအလဲ သိပ်မြန်လွန်းတဲ့သူများလား?
လူအများနဲ့ ဆက်ဆံရတာ ပျော်တဲ့လူမျိုးလား?
ခရီးထွက်ပြီး အစားအသောက်ကြိုက်တဲ့သူမျိုးလား?
အခန်းထဲအောင်းပြီး တကုပ်ကုပ်လုပ်ရတဲ့ စက်ပိုင်းဆိုင်ရာတွေလုပ်နေရရင် ကျေနပ်နေသူမျိုးလား
အသေးစိပ်သိအောင်လုပ်ပါ။

၅။  နောင်ဘာဖြစ်လာမလည်း သိပ်တွေးပူမနေပါနဲ့ ။ လုပ်စရာရှိတာ ခုပဲစလုပ်ပါ။

ကိုယ်တကယ်ချစ်တဲ့အလုပ်၊ ပျော်တဲ့အလုပ်ကို တွေ့ပြီဆိုရင် စွန့် စွန့် စားစား စလုပ်ပါ။
ဘ၀ဆိုတာ ဘာပြီး ဘာဖြစ်မယ်ဆိုပြီး ပါဆယ်ထုပ်လို ရောက်မလာပါဘူး။
အဲ့သလို ကြိုတင်မသိနိုင်ခြင်းသည်ပင်လျှင် ထူးကဲသော အရသာတစ်မျိုးပေးပါတယ်။
လုပ်ရင်းကိုင်ရင်းနဲ့ သိစရာတွေ သိလာပါလိမ့်မယ်။
အတွေ့အကြုံတွေက သင်ပေးပါလိမ့်မယ်။
ဒါ့ကြောင့် ကြိုတင်မသိနိုင်တဲ့ မရေရာခြင်းထဲကို တိုးဝင်ဖို့ ဝန်မလေးပါနဲ့ ။


Blog လေးကို ဝေဖန်အကြံပြုချင်ရင် အောက်မှာ Comment ချန်ထားခဲ့နိုင်ပါတယ်နော်။ နောက်ထပ်လည်း ဒီလို အသုံးတည့်တဲ့ အရာလေးတွေကို မျှဝေပေးနေမှာ ဖြစ်လို့ My Learning Diary ရဲ့ Facebook Page လေးကို Like & See First လုပ်ထားကြဖို့ကိုလည်း အကြံပေးချင်ပါတယ်။

 

Your Lovely Emily